Яқиндагина Муҳаммад Салоҳ билан шартнома имзолаган “Ливерпуль” энди “Арсенал” футболчисига қизиқмоқда. Daily Mirror нашри хабарига кўра, гап Алекс-Окслейд Чемберлен ҳақида кетмоқда. “Ливерпуль” ушбу футболчи учун 30 миллион евро тўламоқчи. Яқиндагина ушбу футболчига “Челси” ҳам қизиқиш билдирганди.

“Манчестер Юнайтед” бош мураббийи Жозе Моуриньо жамоага Криштиану Роналдудан кўра кўпроқ Ҳарри Кейнни олиб келиш ниятида. Sunday Mirror нашри хабарига кўра, “Манчестер Юнайтед” ушбу футболчи учун 100 миллион фунт таклиф этмоқчи. Бироқ “Тоттенҳэм” ҳужумчини сотиб юбориш фикрида эмас. Хабарларга кўра, “МЮ” футболчига яхшигина маош ҳам ваъда қилган.

Daily Mirror нашри хабарига кўра, “Арсенал” футболчиси Тео Уолкот “Вест Ҳэм” қизиқишлари доирасида. Англия терма жамоасининг устози Гарет Саутгейтнинг 3-5-2 тактикасида ўз ўрнини йўқотган футболчи, “Арсенал”да ҳам асосий футболчи эмас. “Вест Ҳэм” эса унга асосий таркибдан жой ҳамда яхшигина маош таклиф этмоқда. Ҳозирча “Вест Ҳэм” уни ҳарид қиладими ёки ижарага олиши ҳақидаги маълумотларга аниқлик киритилмаган.

“Ливерпуль” жамоаси “Саутҳэмптон” ҳимоячиси Виржил Ван Дейк учун курашни давом эттиради. Express нашри хабарига кўра, мерсисайдликлар устози Юрген Клопп ҳали ҳам футболчини олиб келишни талаб қилмоқда. Сўнгги маълумотларга кўра, “Ливерпуль” нидерландиялик футболчи учун 70 миллион евро тўлашга рози бўлган. Бироқ унинг “Челси” сафига бориб қўшилиши кутилмоқда.

Яқиндагина МЛСга кўчиб ўтиши кутилаётган футболчи Златан Иброҳимович “Реал”га кўчиб ўтиши мумкин, деб хабар бермоқда Don Balon. Мадридликлар футболчининг агенти Мино Райола билан музокараларни бошлаган. Райоланинг ўзи швециялик футболчининг Европани тарк этмаслигини истамоқда. Футболчи ўтган мавсумни “Манчестер Юнайтед”да ўтказди.

“Эвертон” футболчиси Росс Баркли жамоадан кетиш ниятида. Бу ҳақда The Sun нашри хабар бермоқда. Англиялик футболчига айни дамда “Арсенал” ва “Тоттенҳэм”дан қизиқишлар билдирилмоқда. Росс Барклининг ўзи эса ушбу жамоадан кетишга аҳд қилган. У “Эвертон”га Деви Классен келганидан сўнг кетиш ҳаракатига тушиб қолганди.

“Ювентус” футболчиси Алекс Сандро фаолиятини “Челси”да давом эттириши мумкин. Calciomercato хабарига кўра, Лондон клуби бразилиялик футболчини олиш учун Сесар Аспиликуэтани Туринга кетишига ҳам тайёр. Олдинроқ «Челси» Сандро учун 70 миллион евро таклиф қилгани ҳақида хабарлар чиққанди. Ўтган мавсумда 38та ўйинда майдонга тушган Аспиликуэта 1та гол урди ва 5та голли пас берди.

“Реал” футболчиси Рафаэл Варан ёзги трансферлар бозори вақтида “Манчестер Юнайтед”га ўтмайди, деб хабар бермоқда Marca. У Зайниддин Зидан гаплашиб олди. Зидан эса унга янги мавсумда жамоа учун керакли футболчи эканлиги ҳамда асосий таркибдан жой берилишини айтиб ўтган.Шунинг учун ҳам Варан “Реал”да қоладиган бўлди.

“Манчестер Юнайтед” ва Жозе Моуриньо жамоага Португалия терма жамоаси аъзоси КРиштиану Роналду билан шартнома тузмайди. Daily Star нашри хабарига кўра, манкунианликларнинг трансфер ишлари билан шуғулланувчи вакили Эд Вудворд “Реал” раҳбариятига Криштиануни сотиб ололмаслигини билдирган. Криштиану Роналду солиқ идораларидаги қарзлари туфайли жамоадан кетишга аҳд қилган.

“Манчестер Юнайтед” футболчиси Антони Марсьял фаолиятини “Арсенал”да давом эттириши мумкин. Бу ҳақда Mail Online нашри хабар бермоқда. Айни дамда лондонликлар бошқа бир франциялик футболчи Александр Ляказетни ҳам олиб келишга яқин турибди. Бироқ “Арсенал” Марсьялга ҳали расмий таклиф билан чиқмаган.

Tuttosport нашри хабарига кўра, “Манчестер Юнайтед” мўлжаллаган Иван Перишич бошқа жамоа сафига ўтиш арафасида. “Интер” вингери “А” Серия чемпионлари “Ювентус” сафига бориб қўшилишга рози бўлди. “Юве” яримҳимоячи учун 44 миллион евро тўлайдиган бўлди. Олдин ушбу футболчига “Манчестер Юнайтед” ҳам қизиқиш билдирганди. Бироқ уни қўлга киритиш насиб этмади.

“Ювентус”ни тарк этиши кутилаётган Дани Алвес “Манчестер Сити”га бориши мумкин. Corriere dello Sport нашри хабарига кўра, у янги жамоасида Пауло Дибалани кўришни истамоқда. Унинг “шаҳарликлар” билан шартнома борасида келишиб олгани ҳақида маълумотлар пайдо бўлганди. Бразилиялик футболчининг “Ювентус” билан яна бир йиллик шартномаси бор.

Goal нашри хабарига кўра, “Манчестер Юнайтед” “Монако” футболчиси Фабиньони ҳарид қиладиган бўлди. Жозе Моуриньо уни таянч яримҳимояда ўйнатмоқчи эканлигини олдинроқ айтиб ўтганди. Фабиньо “Монако” учун 180 та ўйинда майдонга тушган. Ушбу клуб учун 23 та гол уришга эришган. Бир неча кунлар олдин унинг трансфер суммаси 45 миллион еврога баҳоланганди.

“Интер” футболчиси Марцело Брозович “Зенит” қизиқишлари доирасида. Шу ойнинг ўрталарида “Зенит” “Интер”га ушбу футболчи борасида таклиф юборганди. Бироқ миланликлар бунга рад жавобини берганди. Роберто Манчини эса футболчини олиб келишни астойдил хоҳламоқда. Питерликлар 24 ёшли футболчига 25 миллион евро таклиф этмоқда.

“Рома” футболчиси Сейду Думбиянинг трансфери бекор қилинди. Бу ҳақда Sky Italia нашри хабар бермоқда. Ивуарлик футболчига “Фенербаҳче” томонидан “Спортинг”га қараганда яхшироқ таклиф бўлган. Унинг Португалияга кўчиб ўтиши эса кейинги ҳафтанинг бошига режалаштирилганди. Энди у Туркия клубига ўтади. Олдинроқ унинг трансфер нарҳи 6 миллион евро деб айтилганди.

ПСЖ “Реал” футболчиси Гарет Бэйл учун курашишга тайёр. Клуб мутасаддилари Киллиан Мбаппенинг ўрнига Алексис Санчесни олиб келмоқчи бўлганди. Бироқ чилилик футболчи ҳам жамоага қўшилишни истамаяпти. Энди парижликлар Гарет Бэйлни ҳарид қилиш фикрини билдирмоқда. Шунингдек, ПСЖ раҳбарлари Серхио Агуэро номзодини кўриб чиқишмоқда.

«Атлетико» ярим ҳимоячиси Янник Феррейра-Карраско фаолиятини «Бавария»да давом эттириши мумкин. Маълумотларга қараганда, мжююнхенликлар 23 ёшли бельгиялик футболчининг трансфери учун 50 миллион евро тўлашга тайёр.Футболчининг мадридликлар билан амалдаги шартномаси 2022 йилга қадар тузилган.

“Ювентус” футболчиси Алекс Сандро “Челси”га ўтади, деб хабар бермоқда Metro. Икки йил олдин Антонио Конте томонидан 21 миллион евро эвазига ҳарид қилинган Сандро энди 61 миллионга пулланади. Айни дамда трансфер ишлари якунланиб қолган.

“Монако” юлдузи Тимуе Бакайоко “Челси” билан шартнома тузади, деб хабар бермоқда Evening Standart. “Челси” унга 35,1 миллион евро тўлайди ҳамда 5 йиллик шартнома тузади. Айрим манбаларнинг хабарига кўра, жамоа яримҳимоячиси Неманья Матич “МЮ” билан шартнома тузади. Бакайоко эса унинг ўрнига ўйнайди.

“Милан” жамоа ярим ҳимоячиси Сусони шу ёзда сотиши мумкин. Клуб ва футболчи янги шартнома тузиш борасида келиша олишмади, унинг шартномаси 2019 йилда тугайди. Сусога “Рома”, “Наполи” ва “Тоттенҳэм” каби клублар қизиқиш билдирмоқда.

“Фейеноорд” ҳимоячиси Рик Карсдорп 26 июнь куни “Рома” билан шартнома имзолайди. Бу ҳақда La Gazetta Dello Sport нашри хабар бермоқда. “Рома” футболчи учун 20 миллион евро тўлаши маълум бўлган. Ўтган мавсум Рик Нидерландия чемпионатида 30 та ўйинда майдонга тушиб, битта гол урган ҳамда тўртта голга ҳаммуаллифлик қилган.

“Шальке” ҳимоячиси Деннис Аого фаолиятини Россияда давом эттириши мумкин. 30 ёшли германиялик футболчига “Краснодар” таклиф билан чиқди. Bild нашри хабарига кўра, россияликлар футболчига йилига 3 миллион евролик маош таклифи билан чиқди. Ушбу футболчининг жамоа билан шартномаси бир ҳафтадан якунига етади ҳамда эркин агентга айланади.

“Челси” яна бир ҳужумчи Лоик Ремининг сотишга рози бўлди. Бу ҳақда The Sun нашри хабар бермоқда. Франциялик футболчи 2014 йил КПРдан “Челси” сафига ўтганди. Ўтган мавсумни эса у “Кристал Пэлас” таркибида ижарада ўтказди. Айни дамда “Челси” футболчини сотиш ёки ижарага бериш вариантларини ҳам кўриб чиқишга тайёр.